Потребата од формирање на Здружението за иницијативи за развој во здравството, подобрување на здравствените сервиси и застапување на пациенти – „ЕЗРА“, како невладина, непартиска и непрофитна организација, се наметна како резултат на постојната здравствена состојба во Република Северна Македонија. Имајќи ја предвид решеноста на нашата земја да ги интензивира реформите во оваа област и да ги синхронизира политиката и правото со регулативите на ЕУ, сфативме дека има потреба од Здружение кое ќе биде врска помеѓу државните владини институции, здравствение институции, докторите и медицинските работници и пациентските организации, обезбедувајќи еднакво партнерство за соработка во планирање, подготовка, развој и примената на програми, критериуми, здравстени политики и стратегии во здравствениот систем во Северна Македонија. Целта на ЕЗРА е активно да учествува во подобрување на квалитетот на здравствената заштита, преземање иницијативи за развој и подобрување на здравствените услуги и залагање за правата на пациентите обезбедувајќи директна помош и поддршка.